「宅男女神」吳若希（Jinny）出名「大面」，愛靚唔愛命的她為踢走闊面，每日忍痛推面部淋巴，她說：「因為我好易水腫，尤其唔舒服嗰時，作病同瞓得多都會，所以好多時都會按吓面部穴位同推淋巴。」她坦言只要勤力就會變靚女：「因為塊面好大上鏡唔靚，所以要勤力啲推淋巴，如果日日咁推，好快有成效。有次我連續推咗三日，化妝師見到我都話塊面瘦咗，呢啲真係唔可以懶，Keep住做一定唔會反彈！」問到朝早遇到水腫有甚麼解決方法？Jinny即以專家口脗說：「敷個熱Mask囉！」

Jinny首先示範推淋巴嘅方法，咦？又真係Work喎！

Jinny之後又用手按壓面部穴位，促進血液循環。

最後，Jinny教大家敷熱Mask去水腫，咁塊面就會回復彈性啦！