香港電視一眾台前幕後前晚在印度會舉行派對，老闆王維基亦有出席，事後梁小冰於微博上載照片，只見最近不斷力撐無綫的陳百祥（阿叻）竟然「踩場」！據知王維基見到阿叻時亦感意外，但仍把握機會上前敬酒扮老友。其後，網上有短片流出，片中二人搭膊頭有講有笑，阿叻說：「香港政府應該發多幾個牌，大家有得撈吖嘛！」王維基則搞Gag跟風玩「跪回家」，他說：「如果發牌畀我，我由將軍澳跪返屋企！」其後二人又搞笑擊掌，全場哄堂大笑！

阿叻接受電話訪問時表示今次是「天意的安排」：「家姐個仔約我去印度遊樂會，我聽錯咗做印度會，所以咁啱撞到佢哋開P！我一啲都冇尷尬，最近我只係對事不對人，針對抹黑我嘅傳媒，我個人係相當支持發牌，王維基見到我都好開心，仲講笑問我係咪撐佢。」