周栢豪前晚在銅鑼灣出席I.T的MCM x Craig & Karl pop-up store活動，剛從泰國拍戲返港的他揚言過程苦不堪言，因要在當地堆填區全裸瞓身演出，臭到嘔！他說：「真係嘔到拍唔到，連白色蛆蟲都見埋呀！」他解釋劇情講述他被脫光兼中槍，有血腥場面：「啲血係糖漿造，成千上萬隻烏蠅飛埋嚟，有窿就捐！」他直言每晚回到酒店都要全身消毒：「我依家右腳腳趾腫痛，懷疑係細菌感染發炎。」

周柏豪出席活動時笑騎騎，但講到新戲即大叫怕怕。

記者笑他全裸上陣，「小弟弟」豈非見光？他說：「有嘢遮住！」導演又要求他搽黑全身，連Pat Pat及股罅都要掃黑，除了重要部位，他笑說：「我搵咗個Lady Boy幫我搽，感覺好啲，冇咁尷尬。」此外，對於還未派台的新歌在內地外洩，他表示還未證實，已交由律師處理。