陳柏宇（Jason）前晚舉行首個個人演唱會，新歡舊愛齊齊撐場，在台上台下各自發功。現任女友符曉薇以女主人身份安坐台下睇騷，前緋聞女友張紋嘉（Crystal）則以性感打扮上台做嘉賓，對Jason大唱冧歌兼投懷送抱，最後符曉薇在慶功宴上拉男友恩愛錫錫，成功宣示主權！

Jason在台上與舊愛Crystal抱抱，唔知台下的女友有冇呷醋呢？

張紋嘉（Crystal）

Jason完騷後錫番女友，非常識做。

曾唱到動L的Jason着長背心開騷。

陳柏宇前晚在九展舉行處男個唱，女友符曉薇、關楚耀及姜麗文等到場支持，除了恭碩良和小肥外，Jason還不避嫌請來前緋聞女友HotCha成員Crystal做嘉賓，Crystal罕有地性感上陣，大露背之餘又騷長腿，非常養眼。Jason雖指Crystal是他圈中少數的好友，但兩人抱抱時明顯有點尷尬，當Crystal表示要唱《對你有感覺》時，同屬兩人好友的小肥不禁偷笑，Crystal即此地無銀地說：「你諗咩呀？我對個個朋友都有感覺呀！」

着背心晒麒麟臂

不過Jason亦相當識做，在慶功宴上與女友十指緊扣恩愛合照，又錫女友面珠，他笑指女友怨他是「剋星」:「佢話同我拍拖之後少咗好多Job，話我剋住佢，佢就旺我。（咁你養佢？）養到咪養，養唔到一齊乞米，都可以好Sweet！」

練得一身肌肉的Jason全晚都非常密實，僅在個唱結束時才掀起上衣露出背部紋身。曾發生「動L」激凸事件的他，笑言非有心以長衫遮住敏感部位:「唔係特別安排，我都唔記得件事堅定流。（有冇睇番片？）嗰時睇過好多次啦！幾廿萬點擊率，有十幾次係我o架！」