蔡少芬（Ada）老公張晉昨日在慈善義賣活動上織冷帽，期間手忙腳亂。他大爆Ada是個「緊張媽咪」，試過亂餵女兒食藥：「有次我哋去馬來西亞，個女發燒，Ada餵咗佢十倍藥，仲話個女瞓得好真係好喇！我知道後嚇到即刻打畀醫生，又灌奶又灌水，好在冇事咋！其實有時我都擔心，但唔可以兩個都緊張，一齊咁癲就要跳樓喇！」
張晉功夫了得，不過織冷帽就有點雞手鴨腳。
Ada曾餵囡囡食重10倍分量的藥，嚇死張晉！
