汪圓圓出閣，身為姊姊的詩詩感動到喊十分正常，豈料姐夫甄子丹亦忍不住流下開心男兒淚。詩詩透露化妝師預定紙巾給她時，她還表示不需要：「點知註冊嗰日，爹哋拖着圓圓出場，我已經忍唔住喊！啲仔女以為阿姨嫁咗唔會再返嚟都喊晒。子丹喊到BB咁，我都嚇親，好難想像個女嫁時會點！」問到有否催一對新人生BB，詩詩說：「我都想佢快啲生，但又想佢哋多啲二人世界，勁矛盾，不過唔會畀壓力佢哋。」貪玩的她自言在玩新郎的環節最勤力：「我今朝五點就起身預備好多嘢玩，子丹做特別嘉賓，佢要教啲兄弟即場打功夫！」在旁的子丹說：「我已經通咗水，做啲容易啲例如鷹爪功，本來想做一字馬，但條褲太窄。」

身為主人家一分子的詩詩和子丹協助打點婚禮。