「巨聲幫」的譚嘉儀早前趁放假與姐姐及母親到新加坡暢遊四日三夜,喜歡尋求刺激的她,更特地到環球影城大玩過山車!身為「薑餅人」粉絲的嘉儀,透露在園內「尋寶」大出血:「我好鍾意史力加嗰個薑餅人,入面有好多佢嘅嘢!我買咗一大袋公仔、鎖匙扣同扇,都用咗五百幾蚊!」她表示最開心是可以在當地品嘗榴槤班戟、「亞坤」咖央及奶茶,更推介貴價胡椒蟹:「因為香港冇得食,千幾蚊一隻都要試!隻蟹好大隻,夠我哋三個人食,好香、好好食!」

嘉儀最愛薑餅人,搜購了不少「寶物」回港!

譚嘉儀(右)趁放假偕家人遊獅城,當然少不了與地標合照!

此外,她自爆與姐姐撇下母親,到夜店消遣:「嗰度同蘭桂坊一樣咁國際化,來自世界各地嘅人都有!啲酒吧好似一排屋仔咁,幾有氣氛。(畀人撩?)係我哋撩人囉!我好主動,見到個超型嘅金髮荷蘭人,成個Paul Walker(美國演員保羅獲加)咁,好Nice!不過佢英文唔係幾好,冇乜話題,所以都冇下文。」