導演錢國偉女友陳宛蔚(Calinda)與天使妹周麗欣(Doris)早前報讀短期時裝設計課程,親自設計新Look!愛浪漫的Calinda以法式可愛風為主題,而Doris則玩黑色型爆Punk Look,二人於數小時內變裝玩盡兩種風格,直呼過癮!

Calinda(左)及Doris着上黑色窩釘裝,甚有霸氣!

Calinda(左起)、化妝師Heidi及Doris鬥可愛,演繹Calinda最愛的法國風服裝。

Calinda穿上充滿法國風情的服飾,令人有一種想到法國度假的感覺!

Doris換上自家配襯的黑夜女王Look,相當火辣性感!

星級Designer逐個睇
做得藝人都有愛美的天性,不少人都將設計潛質發展成副業,加入設計師行列一顯身手。
性感女模周秀娜以34D勁爆身材「起家」,她亦索性踩入商界,親自設計內衣,並做生招牌教顧客谷胸及改善身材線

名模樂基兒多年來經常為品牌擔任設計師,自與天王黎明離婚後,近年更變身女強人。修讀美術的她推出自家珠寶及泳衣品牌,投入設計工作。

女歌手薛凱琪(Fiona)去年為服裝品牌設計了八款T恤,直言滿足感比賺錢重要的她,獲外界大讚其設計新穎。

女藝人陳宛蔚及周麗欣最近報讀短期時裝設計課程,需自度主題及設計多套服飾,二人早前到銅鑼灣樓上舖變裝拍照「交功課」,做造型師之餘亦為對方擔任模特兒,於數小時內極速轉新Look,非常過癮。

愛浪漫的Calinda大玩法國風情,服飾主要以紅白藍為主,甚具青春氣息,她又情商化妝師兼好友Heidi客串模特兒,三女拿起熊啤啤及鮮花鬥擺可愛甫士,真係Kawaii呢!Calinda表示曾在英國讀書,當年常到法國旅遊,很嚮往當地的生活模式。

而Doris的設計風格則完全不同,她與Calinda換上火辣性感的黑色窩釘裝,甚有SM女王味道,Doris更帶齊刀劍弓箭等道具武器,令造型更添殺氣,她又笑言自己潛意識十分暴戾:「老師一叫我哋諗主題,我就想用黑色,型啲吖嘛!套衫加咗好多窩釘,再拎埋武器,感覺好有攻擊性。(平時都係咁?)睇吓對邊個啦!我覺得自己襯Calinda嘅設計,外柔內剛咁,佢性格就同我相反,表面好堅強,其實好Sweet。」

為學業出錢出力

她倆為這份功課出錢又出力,除了想增進設計學的知識,亦希望將個人打扮提升到另一個層次,問到籌備過程可有困難?Calinda表示因近期都要開工,所以時間非常趕,更曾想過放棄拒交功課:「最後我哋都堅持住!老師叫我哋問人借衫,但我哋想靚啲,專登上網由外國訂衫返嚟,仲有咁多道具,加埋仲貴過成個Courseo架!」而Doris說:「要周圍搵材料同配飾,有啲就上網搵,呢一日我仲要拖兩個篋嚟影相,爭啲唔夠力。」問到會否幫錢國偉(Wilson)襯衫,Calinda尷尬地說:「作為朋友都會畀意見,但佢好有要求o架!啲衫仲貴過我!」Doris即笑言Wilson近年愈來愈型,未知是否Calinda的功勞。

法國浪漫風

由Calinda設計的幾套服裝,主要以法國國旗的紅白藍三色為主色,再配襯短褲及短裙晒長腿,再加上手上的玩具熊、書本及鮮花,造型充滿少女情懷,亦甚有歐陸風情!

黑暗型格風

由Doris設計的服飾以黑暗、型格為概念,服裝加了不少閃片及窩釘加強霸氣感覺。拍攝當日,Doris更親自帶了多件武器上陣,殺氣騰騰,感覺猶如卡通片的暗黑女王,既有型又冷艷,Cosplay味甚濃。