馬國明剛於台慶夜奪得「藝員眼中的視帝」，地位隨之提升！他昨晚出席慶功宴時獲行政主席梁乃鵬稱呼為視帝及被安排坐主家席，又呼籲同事要與公司齊心一致！

貴為「藝員眼中的視帝」的馬明，希望公司上下一心！

田蕊妮與梁乃鵬有講有笑，同樣升呢！

視帝大熱的馬國明深得高層歡心，成功埋堆坐主家席！

出爐「藝員眼中的視帝、后」馬國明與田蕊妮、陳百祥、曾志偉、呂慧儀及應屆港姐等，昨日現身電視城為《萬千星輝賀台慶》慶功，期間製作資源部總監樂易玲、朱晨麗及張景淳等抽中4,600元銀行禮券，行政主席梁乃鵬則表示滿意收視，對於近日的是是非非，他揚言無綫不會示弱：「46年來成績唔係幸運得嚟，呼籲同事要上下同心，其利斷金！」其後他表示有信心明年員工加薪不少於4.5%，花紅則預計每人平均有1.75個月月薪。

「視帝」馬國明自台慶夜後升呢，連梁乃鵬亦趁影大合照時稱呼他為「視帝」，地位可想而知！對於獲公司如此厚愛，馬明即擔起大將身份為公司講話，對於集團總經理李寶安表示無限期抵制壹傳媒，馬明說：「社會需要和諧！（李寶安話呢個星期零污染！）大家都需要時間冷靜，呢排咁火，出嚟嘅嘢一定有偏火！（佢叫藝人要遵守！）公司藝人要跟公司決定去做。（抵制下有冇影響？）絕對冇影響，聖誕檔期爆晒！」提到梁乃鵬呼籲上下一心，他說：「都希望多啲人留喺度，出面成日話公司質素差，咁都要多人喺度先有進步！」

陳百祥「零污染」

陳百祥則表示無限期抵制是管理層決定，公司要保護資產及幾千名員工：「我都覺呢個星期零污染，壹傳媒有兩隊狗仔跟我，寫我同張學友有廿幾年仇怨，呢個我都唔知，睇吓過幾日我生日佢嚟唔嚟！」