藝人張致恒（Steven）前女友鍾舒漫（Sherman）日前大方承認與師兄吳浩康拍拖，一直被指對Sherman念念不忘的Steven大受打擊，早前被《好報》拍得與「MK超雲」索女在旺角街頭「吹水」，其後上樓醫肚。

Steven被《好報》踢爆與「MK超雲」在街頭密斟，狀甚親密！

戀上師兄吳浩康的Sherman，避談舊愛Steven與「MK超雲」的報道。（資料圖片）

Steven昨日接受電話訪問時強調現時單身，報道中的「MK超雲」只屬「機友」：「佢係我哋一大班打機嘅朋友。（對佢有好感？）我抱開放態度，不過依家冇對象同目標。」他承認獲不少女仔追求：「想搵個真係結婚嘅，因為下年都成三十歲喇！」至於Sherman則表示不會就報道致電Steven，問到會否祝福對方？她說：「希望佢做嘢方面愈做愈好。」