楊怡早前稱病缺席台慶,兩日後突然痊愈為張美妮婚禮做姊妹,明剃無綫眼眉!據知跟無綫不足一年便約滿的她對續約一事全不上心,高層樂易玲昨日接受電話訪問時坦言希望「傾到」對方留低!

楊怡日前現身台慶頒獎禮的宣傳活動,卻缺席台慶,真「沙膽」!(資料圖片)

樂易玲表示無綫希望「傾到」楊怡續約,正努力與她夾時間傾談。

《好報》昨日報道視后楊怡台慶No Show及續約「扭計」而觸怒無綫。

昨日《好報》獨家報道去年首嘗視后滋味的楊怡,據知跟無綫剩下不足一年約,正密謀過檔明年一月離職無綫的經理人嘉莉自組的經理人公司,進攻內地市場。她早前更以感冒為由缺席台慶,但過兩日即高調出席好姊妹張美妮的婚禮,擺明「扭計」,至無綫高層欲追問原因及約傾續約時,嘉莉竟以「唔方便」推辭,逼得無綫想打楊怡入冷宮!

「好難就」

另外,楊怡日前完成電台訪問後,又被《好報》拍得跟嘉莉在海邊密密斟,其後親自充當司機送嘉莉到金鐘再返將軍澳,不辭勞苦!

記者昨日致電無綫高層樂易玲,問到楊怡是否「扭計」避談續約,她禮貌地說:「唔係,其實佢有畀過期我,但佢得我就唔得,我得佢就唔得,夾唔到期,時間好難就!」至於無綫會否挽留楊怡,她說:「當然希望同好想傾到佢留低啦!」