前港姐季軍朱千雪（Tracy）在無綫劇集《On Call 36小時II》飾演醫生，並與吳啟華譜出忘年戀！問到與啟華合作的感覺時，Tracy即大讚：「啟華其實幫咗我好多，佢做戲都好有經驗！戲裏戲外，佢都會同我溝通，然後主動教我嘢，同埋畀好多方向我。我記得套劇未拍時，佢夜晚會Send短訊畀我，同我講：『如果有啲乜嘢唔明，你都可以問我！』」

朱千雪對吳啟華讚口不絕，又指對方非常照顧新人。

此外，Tracy亦透露她的螢幕初吻亦是獻給啟華：「個Kiss戲喺遊艇上面做，不過接吻嗰Part好簡單，只係蜻蜓點水式！其實同啟華做戲有樣嘢好，佢好識帶住新人，即係一啲好複雜嘅場口，佢都有辦法令到件事容易啲去做！」