歌手Regen（張惠雅）與師弟李安豪（Ivan）日前來到《東網》娛樂onShow分享辛酸史，Regen透露她到澳洲遊學時，曾試過與蟑螂同眠！而Ivan則自爆可憐身世，曾為了賺錢買結他，不惜15歲到快餐店工作賺零用錢。

Regen與Ivan從過往的經歷中學懂如何面對挑戰。

Regen（左起）、Ivan與主持人廖嘉輝分享辛酸史。

歌手Regen與師弟Ivan日前來到《東網》娛樂onShow，與主持廖嘉輝（Look）大談趣事。

曾到澳洲遊學的Regen，問到有甚麼難忘經歷時，她說：「我試過摘荔枝、耕種，又試過天都未光，三點幾起身去採摘，摘到午飯時間，畀太陽Keep住曬十幾個鐘！」她又表示曾與蟑螂同眠：「試過瞓瞓吓覺，發覺隻腳痕痕哋，原來有蟑螂經過。不過呢啲都係挑戰，我覺得愈唔敢去做嘅嘢，只要踏出第一步逼迫你去做，咁你就學識點面對！」

Regen如此堅強，難怪之前被傳介入老闆薛世恒和陳法拉的戀情而被「放逐」，她也能勇敢面對！提到被指與老闆密會，她即澄清：「用一個正常邏輯去諗，我要放長假，係咪應該要同簽你番嚟嘅人講聲、食個飯呢？但好彩呢個傳聞係發生喺我離開香港之前，因為可以畀足夠時間我諗清楚，做呢行係需要控制呢啲嘢！」

Ivan打工買結他

提到入行前的辛酸事，Ivan表示為了賺錢買結他，不惜15歲到快餐店工作：「我屋企冇乜錢，住公屋，而且亦係單親家庭長大，阿媽唔會點畀零用錢我，所以我15歲已經開始做快餐店賺錢，因為我好鍾意音樂，所以就儲錢買咗支結他狂練。」