馬來西亞歌手張智成為工作不時飛來飛去，但有三項物品必定隨身攜帶，包括眼藥水、耳機及iPod！由於眼睛是靈魂之窗，故智成每次開工前都會滴眼藥水，以紓緩眼睛的疲勞：「因為我視網膜有少少磨損，比較容易有血絲，所以每逢拍嘢之前，都會滴兩滴落對眼度，紓緩一下眼睛。」

對音樂充滿熱誠的張智成，常備iPod聽歌攞靈感。

經常四圍飛的張智成透露會隨身攜帶眼藥水、耳機及iPod。

身為一名唱作人，音樂對智成的重要程度相當高，為了隨時隨地能聽音樂，他出門都必備iPod及耳機：「我成日都聽好多唔同類型嘅歌，我部iPod有過千首唔同語言嘅歌，可以畀到我創作靈感！」他又笑言耳筒帶給他重要功用，就是避開嘈雜聲：「通常搭飛機都唔知會遇到啲乜嘢乘客，可能佢哋好嘈，又或者啲空姐好鍾意講嘢，但係戴住耳筒就可以隔到好多音，戴住佢可以好快瞓着，上台用佢又可以清楚聽到自己唱歌把聲！」