60歲的鍾偉強（Simon）憑內地節目《中國好聲音2》爆紅，雖然早年在歌唱比賽贏過張國榮，卻未為他帶來璀璨星途，反而在種種原因下，令他對歌唱夢變得心灰意冷，並投身保險業。但經歷大病的Simon竟重拾對唱歌的熱愛，在舞台上發光發亮！

鍾偉強坦言享受置身舞台的感覺，因可即時感受歡眾的熱情及歡呼聲。

憑《中國好聲音2》爆紅的鍾偉強，密密接Job搵銀。

60歲的鍾偉強與《中國好聲音2》學員打成一片，毫無代溝！

歌手鍾偉強（Simon）於1977年參加亞洲業餘歌手大賽奪冠入行，雖然星途不及亞軍的張國榮璀璨，但他相隔36年再參加歌唱比賽節目《中國好聲音2》而聲名大噪。回想昔日，Simon比賽奪冠後即轉戰拍戲，為人急躁的他覺得娛樂圈並不適合他：「拍戲埋位都等13個鐘，我覺得好悶，同導演講我唔拍喇，你安排我死咗佢，或者去外國啦！」

Simon表示於80年代演出無綫節目《歡樂今宵》：「初初知道有得唱歌好開心，但後來發現係『咪嘴』就好唔過癮，同埋觀眾鍾意睇趣劇，唔係睇你唱歌！」他其後投身保險業，但亦有為梁朝偉等作曲，問到何不全職做音樂幕後人？他說：「我係鍾意喺台前威嘅人，做幕後冇人知咪冇得威！」

大病重燃歌唱夢

Simon憶述曾患大病，並需簽生死狀做「通波仔」手術，回想當時躺在病床全身消毒令他感慨萬分：「當時好驚做完手術會死或者中風，但又問自己如果好得番，最想做乜？就係音樂，因為後生嗰陣未用盡過！」Simon病愈後即把握機會，於花甲之年北上參加歌唱比賽，並奪得不俗的成績。談到現時香港樂壇現象，他直言發展空間不足：「卡拉OK興起扼殺好多人，唱歌好講實戰，以前唱酒吧騷唱得唔好會畀人鬧，但唱K就冇壓力，對培養歌手唔係太好！」