曾參選2012年港姐的陳潔玲(Christy)和林泳淘(Wingto)日前到越南十日拍攝旅遊節目《情迷越南》。兩人表示買了男性生殖器官雕像送給藝員訓練班導師鄭丹瑞(阿旦)作手信:「佢收到都O咗嘴,話估我哋唔到。」她們表示這特色「手信」是來自當地有名的占婆族:「以前成日打仗,希望多啲人口,所以就拜男性同女性嘅生殖器官。原來佢哋仲有個習俗,就係將啲羊奶倒落男性生殖器官嘅雕像度,再流出嚟喺下面飲番,象徵男性雄偉嗰一刻,女仔飲咗就可以生好多個。」

林泳淘與陳潔玲到越南大擦地道美食。

陳潔玲(左)和林泳淘穿三點式拍旅遊節目。

但她們沒有入鄉隨俗飲羊奶:「因為入面好舊,係成百幾年前嘅古蹟,好污糟!」感情甚佳的二人還透露拍攝期間每日都「玉帛相見」:「我哋每日都一齊敷Mask,一齊浸浴,每晚都好赤裸裸。」