資深歌手夏韶聲將於明日舉行「講唱會」，除大唱金曲外，亦會大談不明飛行物體（UFO）。他曾強調這是他UFO話題的「最後一講」，故會毫無保留公開私伙UFO片段，誓要與觀眾一齊窺探神秘世界！

夏韶聲強調今次是他UFO話題的「最後一講」，之後會專心搞音樂出碟賺錢。

夏韶聲早前為講唱會舉行記者會，邀得「外星人」造勢。

夏韶聲明日在九展會公開珍藏已久的私伙UFO片段，帶領粉絲窺探神秘世界。

夏韶聲將於明日假九展舉行《天眼 第七類接觸》講唱會。素來對UFO有濃厚興趣的他，將公開與嘉賓及現場觀眾論盡各種神秘事件，更會大唱金曲，觀眾可憑一張門票，得到雙重享受！日前他為演出綵排，大呻準備過程辛苦：「未試過咁Heavy，要講嘅嘢好多，又要對番啲片，足足有成九頁紙。」

美國作曲遇靈異事件

世界之大無奇不有，問到會帶領觀眾探索甚麼神秘事件？夏韶聲說：「會講吓火星上面嘅月亮、又或者戰爭，我今次會講敍利亞戰爭，到時有片睇，盡量唔播啲血腥嘅，但都有一幕係槍斃、又有一幕個人成塊面炸咗，聽落好似同UFO無關，但你點知嗰排打仗打到飛起嗰陣，會有架UFO停喺上面，架UFO仲有武器，到時會播片畀大家睇。」

研究UFO多年的夏韶聲屆時更會公開收藏多年的UFO片段：「有人喺Facebook問我有冇自己嘅片，我覆佢：『我有，你呢？』我會播三條片，其中一條片係我喺美國屋企作緊曲，隻嘢（UFO）就停喺我屋企上面。」

夏韶聲除了請嘉賓與他齊齊探秘外，亦會開放和觀眾一起講東講西，問到會否擔心超時？他說：「我諗兩個半鐘差唔多啦！如果佢哋講太多我會Stop佢哋。（多咗嘅資料留番下次加場？）唔會啦！完咗騷後我會專心搞音樂，我要做碟，講UFO唔係我職業，冇錢賺，唱歌先有錢賺o架！」