ｏ靚模組合FFx前成員Gladys（甘翠華）日前舉行校服派對慶生，與隊友Vanessa（羅凱霖）及多名好友玩足一晚，Vanessa表示會補送禮物給Gladys，並笑說：「我哋識咗十幾年，成個人都係佢o架喇！」提到FFx最近大換血，六名舊將離開，Gladys及Vanessa認為新合約條文有問題，因而決定離隊：「以我所知新一隊FFx係跳唱組合，其實我都想唱歌嘅，但傾唔成合約，希望將來仲有機會！我嘅生日願望都係想做歌手。（同經理人反面？）唔會，我哋尊重前輩。（拖糧？）糧係要催吓！但唔講喇！凡事留一線。」

Vanessa（右）與Gladys相識十幾年，更笑言成個人都係佢！

Gladys與一眾好友舉行生日派對，場面熱鬧。