亞洲整容風氣愈來愈盛，但肯公開承認的藝人仍不多，擁有34F巨胸的馬來西亞Model林云強勢襲港，她坦蕩蕩承認眼、鼻、嘴、胸都曾動過刀，寸爆港模敢做唔敢認，更向Jessica C.、Mia及Angelababy等挑機。

林云寸JC警鐘胸造假，對於Mia的「易容術」則甘拜下風！

林云（左）與許亦妮合作電影《喜愛夜蒲3》。

林云擁有34F的驕人身材，連Bob也大叫「頂唔順」！

馬來西亞第一車模林云大方承認屢次整容，其敢言性格令她廣納不少Fans。

馬來西亞第一車模林云早前襲港拍攝電影《喜愛夜蒲3》，憑巨型碌柚胸搶盡香港水着女「峰」頭，34F、22、35三圍絕對是「超越想像」，主持Bob（林盛斌）亦上載跟她的合照表示「頂唔順」！經常在世界各地登台的林云知名度不俗，她大方承認多來年整過鼻四次、嘴三次、胸及眼兩次，不少女性均視她為整容先鋒。

林云最近開始留意港模動向，大讚模始祖Angelababy、模媽Mia（陳靜儀）及警鐘胸Jessica C.外形好，但看到三人昔日照片後不禁O嘴，更對她們「像真度」存疑。當她看到Mia的「岩巉」舊照更嚇到呆了兩秒，整容達人也「甘拜下風」：「真係同一個人？（佢只認打過Botox？）吓？可能個醫生好好，我都想問佢咩醫生咁勁！」

提到Baby，她即讚口不絕：「個樣係好大分別，依家好靚，就算係整都係好成功，我點都支持佢。」至於JC憑33D警鐘胸傲視同儕，但林云毫不留情表示「感覺好假」：「唔係咁自然，一係本身好細，喺度狂攝嘢。」

寸港模敢整唔敢認

完美主義者林云表示會繼續為身體「維修」，亦不怕認整容後影響形象，反而因敢言廣納Fans：「拍《喜3》個個女仔都知我整過，對我好好奇，話想摸吓我個胸。」雖然時常被網民狂鬧，但她闊佬懶理，並寸爆整容模敢做唔敢認：「有啲一睇就知係整過，我覺得公開咗做人舒服啲，但如果承受唔住畀人鬧就唔好認！」