王菀之大爆張敬軒羞家私隱，事緣軒仔之前沒有應約穿上性感內衣褲，因此懷疑他沒有一條底褲見得人。為了好友有信心走出睡房，她決定揀一套既優雅又性感的內衣褲送他，免得埋沒「天賦本錢」。

向來為食的王菀之笑言未試過拍一個廣告咁滋補。

王菀之笑言要揀一套既優雅又性感的內衣褲送給軒仔。

王菀之為健康食品拍廣告，食個不停！

歌手王菀之（Ivana）近日工作不斷，雖然她錢包相當腫脹，但亦不忘回饋公司上下的同事，將廣告商的食品轉贈他們，問到可會將禮物送給張敬軒？Ivana竟笑言會送貼身物品給他：「我想送內衣褲畀軒仔，事關佢之前喺工作嗰陣冇聽導演話，着少布而優雅嘅內衣褲嚟拍攝，可能佢冇見得人嘅內衣褲啦！所以我會送一套畀佢，希望佢將來啱用啦！」

「青椒」累吃NG

Ivana日前為健康食品拍廣告，被安排在一張長餐枱上品嘗食物，每隔幾秒便要換另一款食物或飲品。雖然動作頗高難度，但專業的Ivana亦順利完成，豈料導演最後卻不收貨，原來有「青椒」作怪，Ivana無奈地說：「呢個就叫做『NG的青椒』，我好快咁食好多嘢，本來好順利，但就係佢突破飛咗出嚟，累我NG咗個Good Take，今次NG唔關我事o架！」

拍攝完畢後，向來為食的Ivana非常興奮：「未試過拍一個廣告咁滋補，有涼茶、龜苓膏，有湯水又有飯食，呢兩日都拍咗好耐，我好容易肚餓，但今次好多嘢食，所以拍攝非常順利。」她表示早前的工作相當密集，令她消耗了不少時間和精力，當她需要食物補給時正好接拍了這個廣告。