來自馬來西亞的模特兒廖子妤（Fish）由細到大都愛看電影，早前更有份參演由泰迪羅賓監製的新片，初次拍電影的她更在戲中有大膽的全裸演出！Fish坦言全裸拍戲是很大的挑戰，幸得家人的鼓勵：「知道有全裸演出後，問咗屋企人同朋友嘅意見，自己又掙扎咗好耐，喺印尼工作嘅爸爸同我講，無論點都支持我，我不停咁喊，係佢令我有好大嘅信心。」

廖子妤首次拍戲就要全裸演出，一度非常掙扎！

而監製泰迪羅賓亦有為Fish講解演員的作用，令她放心演出：「Teddy（泰迪羅賓）話演員係用身體去揣摩角色，唔係要去諗剝唔剝衫。」

回憶拍攝全裸戲當日，Fish仍猶有餘悸，更不幸跌傷:「拍戲當日我食唔落嘢，成個人都唔舒服。拍最後一個Take嗰陣，導演想我爬落床跑出鏡頭外面，但係我唔小心成個人撻落個Track到，塊面、膊頭同大髀都跌到瘀晒﹗」