藝人江美儀和黃智賢（Ben）前晚在中環為劇集《點金勝手》拍攝外景，上演一幕重口味激咀戲！二人在劇中飾演一對舊情人，當美儀知道阿Ben即將結婚，即主動與Ben在街頭激咀，啜到面頰凹陷，十分肉緊！鑑於美儀每拍親熱鏡頭，都會被網民大叫「重口味」，問到美儀會否擔心？她說：「今次唔會，Ben啲粉絲比較好人！（有冇尷尬？）冇呀，佢啲鬚鬼咁拮呀！」對於剛公布的台慶頒獎禮入圍名單，憑劇集《衝上雲霄II》入圍最佳女配角，美儀信心十足說：「第4年提名啦，我真係好想喺台上接受大家祝福同掌聲！」

江美儀在眾目睽睽下啜爆黃智賢。

江美儀、黃智賢

至於被投訴鬚根太拮的Ben，聞言即說：「我唔知呀，我啱啱食完叉燒飯，我只係問佢有冇味咋！」他亦憑劇集《情逆三世緣》入圍最佳男配角，他坦言保持平常心，並睇好拍檔美儀奪最佳女配角：「上年佢《名媛望族》就應該得獎，佢遲早都應該有o架啦！」