周秀娜昨日中門大開出席商場活動，谷起一對「八字」雙峰為寒冷天氣升溫！惟娜姐依舊是形單影隻，對於方力申笑言要介紹弟弟給她，她笑說多交一個朋友絕對歡迎！

娜姐心口開窿凍到打震，不過現場觀眾應該看到火辣辣！

娜姐望住可愛的小朋友，情不自禁晒V！

雖然天氣急劇轉冷，不過正所謂「要靚唔要命」，娜姐昨日出席商場活動時拋出一雙「八字」巨乳，弄得現場男嘉賓都目不斜視！中門大開的她僅以薄紗擋風，難得伊人還笑言最重要普天同慶！她坦言今次報酬不俗，問到今年豬籠入水？她卻指沒有計過，覺得滿意就好：「今年好開心可以多啲留喺香港，又參與咗唔少電影工作。（咁有冇諗住做業主？）一直都有，但未睇啱，呢啲交畀父母處理，佢哋鍾意就得！」

伊健做「拖友」不寂寞

聖誕節將至，依然單身的娜姐表示不覺寂寞，會相約好朋友開派對，若要工作便跟大家吃飯。提到早前方力申稱可介紹其弟給她，娜姐坦言有見過對方的照片，更說無論甚麼職業她都可以接受，問到這種「公開相睇」會否尷尬？她說：「識朋友又唔一定嘅，我依家拍緊微電影，多謝導演安排我同鄭伊健演情侶，感受吓拍拖。（有冇親密接觸？）正常情侶會做嘅嘢囉！」娜姐稱不知伊健有否預先向太太蒙嘉慧備案，也未見對方監場，但覺得她是專業演員，故應不會呷醋。