TVB無限期抵制壹傳媒

無綫（TVB）受壹傳媒敵視、攻擊和抹黑逾兩年，李寶安坦言收到不少旗下藝員及主持投訴壹傳媒作料及偷拍等，公司為作出尊嚴性的保護，不惜實施抵制令。無綫集團總經理李寶安稱今次行動得到董事局及各團體的支持，連受害藝員都指「來得遲」：「其實各同事都用心血去創作卻遭攻擊而影響士氣，而被偷拍或作料嘅藝員更要保護其尊嚴及利益，經觀察下大部分出自壹傳媒。（抵制時限？）呢個係原則同政策，亦唔期望短時間之內對方會改變立場，我暫時睇唔到有盡頭！」

以同樣是傳媒機構為鑑，李寶安稱無綫就是次抵制，不鼓勵藝員高調行事：「因為今次係機構與機構之間問題，唔想藝員承受壓力，不過公司予以保護，藝員團結、互相支持係理應責任！」

已申請續牌

源於「香港電視」不獲發牌而造成數百人失業，無綫急設「愛回家」計劃吸納港視被裁員工已見成效，李寶安承認已有不少藝員及幕後工作人員主動聯絡無綫：「礙於佢哋有棄守崗位嘅難為感受，所以暫時唔會公布詳情。」雖受因「港視」引發的問題而被針對，但無礙無綫最近積極籌劃免費電視服務牌照之續牌申請，李寶安承認已於日前向通訊事務局遞交申請書。　　

冇干預新聞自由

另外，近日就「抵制令」引起不少風波，繼有干預新聞自由、在公眾地方拒受訪、因享用「無償大氣電波」而要全面開放（被採訪），以及慈善公益節目要收費等傳言，李寶安昨日亦逐一澄清：「有關劉議員（劉慧卿）入嚟受訪，壹傳媒喺無綫物業出面採訪唔構成干預新聞自由，至於投訴康文署同無綫舉辦活動，話唔畀佢哋喺公眾地方後台採訪，後台係無綫工作嘅地方，既然我判斷到邊間傳媒有傷害性報道，當然唔會歡迎。」

對於無綫被指用「無償大氣電波」而要開放，李寶安說：「我重申呢個只係電視台操作一小部分，無綫一年畀大氣電波費超過一千萬港元，回饋政府每年超過3億元嘅節目（包括時段費用及製作費），唔係無償使用大氣電波！最後，批評慈善節目要收費，無綫製作節目係真金白銀支出，收費之後再捐輸係另一個慈善行為，兩樣嘢係分得好清楚。」