莊思敏學廚識男友

莊思敏昨日穿上低胸裝為食肆開幕典禮擔任剪綵嘉賓，問到是否有興趣做生意？她說：「都鍾意食嘢，但唔識煮。（請人嘛？）自己唔識煮，請人驚畀人翹起，想開西式甜品店。」她又表示曾有朋友邀請她一起開餐廳，但她不想隨便開始一盤生意。至於會否找個識整甜品的男朋友？她笑說：「甜心先生要搵到先得，我整甜品有缺陷，因為隻手太熱，材料會溶。（歷任男友有冇識整甜品？）冇喎！但有一個為我而學整。」她又指雖未曾為男友下廚，但試過織頸巾給男友，又覺得不懂下廚是結識男友的障礙，故現時想多上一些烹飪節目，從中偷師。