日模松岡李那、「夜蒲女」寸嘴Barbie、文凱玲及女歌手JW昨日同場鬥搶鏡，松岡、JW及Barbie齊齊忘形露底，文凱玲更送出火紅襪帶，令收禮的人夫應昌佑勁尷尬！

身穿黑白格仔裙的松岡投入與眾人交換禮物。

一眾「夜蒲女」預祝聖誕，齊齊交換禮物。

JW悉心打扮出席活動。

文凱玲送出紅色火辣襪帶，令抽中的應昌佑十分尷尬。

昨日關楚耀（Kelvin）及松岡李那等主持有線《潮食男女大派對》，邀得參與電影《喜愛夜蒲3》的文凱玲（Connie）、「寸嘴Barbie」夏尉喻、應昌佑（Charles）及JW擔任嘉賓。眾女玩交換聖誕禮物時表面歡欣，但暗中鬥搶鏡，松岡及JW均不慎走光，身穿黑白格仔裙的松岡露出螢光粉紅「底底」，非常搶眼！而JW露出白色喱士內褲，豐滿的Barbie則心口透視導彈，其後又唔執輸騷白底。密實上陣的Connie惟有在禮物上花心思，她準備了紅色火辣襪帶，最後人夫Charles「幸運」抽中，Connie笑言拍戲曾穿過，並叫Charles送給太太，令Charles甚為尷尬！而Barbie抽中JW送出的檸檬時叫錯JW做Josie，要JW出言糾正。

否認為仔喊腫眼

其後Connie受訪，對於被好友陳宛蔚踢爆為男仔喊到眼腫，她說：「係朋友向我訴苦，我感性喊埋一份，仲勾起畀人撬牆腳嘅往事。」她又澄清對方絕非許亦妮的舊愛。對於有指她得罪許亦妮而被導演錢國偉封殺，她表示導演已解釋沒有此事。

Kelvin則表示今年是豐收的一年，因拍了五部電影，又完成個唱及試做主持，問到會否邀緋聞女友周秀娜上節目？他尷尬地說：「交畀有線請啦！（依家關係？）朋友。（降咗呢？）不嬲都係朋友！（方力申話想撮合佢細佬同娜姐？）咁咪好囉！」此外，他表示聖誕想在工作中度過，有時間會跟好友夜蒲。