霆鋒安志杰大打出手

安志杰與舊愛謝婷婷的哥哥謝霆鋒合作拍攝英皇電影《救火英雄》，飾演不和的上司及下屬，更會大打出手。不過，現實中曾多次合作的他們，坦言關係不會因「杰婷戀」結束而受影響。對於外界猜測他們再度合作會否尷尬，霆鋒說：「雖然佢哋（安志杰與婷婷）已經分手，但唔會影響到我同佢（安志杰）嘅友誼，例如有場戲佢要用上司身份對我破口大罵，我更會同佢爭執後推佢落樓，但我哋係專業演員，唔會尷尬，只係會投入角色，唔會真係反目！」而安志杰笑稱兩人關係不變，仍會相約打機，反而戲中要對霆鋒大吵大鬧，令他倍感新鮮。