無綫台慶劇《My盛Lady》演員黃子華、徐子珊、陳敏之及「細細粒」陳嘉佳等前晚搞晚宴慶祝收視高開，子華及子珊以情侶黑衫打扮亮相，子珊笑言想組「雙子合唱團」趁年底登台搵銀！

子華與子珊穿上情侶裝，搭膊頭拍住上！

子華有成班女圍住，難怪如此風騷！

提到被指翻撻前女友，子華無奈表示「攰」：「同前度係朋友式聯絡。（翻撻？）唔可能！（講到咁實？）世界上好難講到盡100%，暫時睇都冇呢個可能。」他直言報道影響對方生活，令他憤怒。提到有份爭視帝，他自比熱鬥小馬「任怨任勞時運低」，問到無綫有否叫他簽約換獎？他說：「冇喎！TVB知我個性，我係好需要瞓覺嘅人，從來冇呢啲！（睇好子珊攞視后？）有提名當贏啦！」子珊表示爭視后欠信心，但睇好子華稱帝：「當然希望！佢話如果冇好成績就唔再演喜劇。」另外，她昨日出席活動時，再被問到跟子華趕及爭視帝視后，她驚訝地反問記者：「係咩？吓！咁恐怖！」