緋聞男女羅仲謙及楊怡昨日出席《萬千星輝頒獎禮2013》記者會，對於上屆視后楊怡再度入圍「最佳女主角」，羅仲謙開腔力撐會投她一票；而楊怡亦直言睇好羅仲謙攞「最佳男配角」！

緋聞情侶楊怡與羅仲謙公然互撐，笑得零舍Sweet！

楊怡（左起）、周麗淇在台上雞啄唔斷，冷落了另一視后對手萬綺雯。

周麗淇玩露肉，起身時小心整理免走光。

被阮兆祥取笑的黃翠如，淨係識得笑！

蕭正楠獲最多項提名，當然要親近獎座沾吓旺氣！

角逐視帝的馬國明笑言是來撐場。

無綫藝人楊怡、馬國明、羅仲謙及周麗淇等昨日出席《萬千星輝頒獎禮2013》記者會，宣布各獎項入圍名單，不少入圍熱門人選包括吳鎮宇、張智霖、田蕊妮及鍾嘉欣等未有出席。入圍「最佳女主角」和「最受歡迎電視女角色」的楊怡表示感到開心和未有壓力，但對緋聞男友謙仔提名「最佳男配角」和「飛躍進步男藝員」則有一番見解：「佢男配角應該有份，咁嘅年資就唔應該拎飛躍啦！飛躍睇好王浩信。」而謙仔亦自言拿飛躍似「老飛」，問到是否投楊怡視后一票？他不避嫌說：「梗係！續集好難做，佢做得好好，會投佢一票。」同樣提名視后的周麗淇會以平常心看待，不信老闆力谷徐子珊做視后的傳聞。而首次提名視后的萬綺雯感動得眼濕濕，覺得演出的兩部劇都有提名已感到開心。

馬國明「贏視帝」講運氣

馬國明提名「最佳男主角」、「最佳男配角」和「最受歡迎電視男角色」，他表示得獎要運氣，雖然早前獲同事選為心目中視帝，但有感獎項有友情成分，不能作為頒獎禮得獎與否的指標，並笑言很多大哥沒有出席記者會，才由他來撐場而已。至於蕭正楠獲最多提名，有四個獎項，他笑言等待提名「飛躍進步男藝員」已四、五年，相信若要提名視帝還要等多十年！而黃翠如提名兩個半獎項，她表示入圍「最受歡迎電視角色」感到不好意思，因為剛來到公司，作品又不多，阮兆祥聞言大叫：「你咁多嫌少？」未獲提名的鄧萃雯似是透過微博發表感受，寫下「真正的快樂，跟名利、權勢無關，只跟愛有關，愛是最見效的藥物，Love is so powerful。」