余文樂早前開工時得到特別關照，獲導演郭子健請食大餐，20盒餸放滿整張枱，相當誇張！美食當前，但樂仔似乎不太受落，竟然扁晒嘴！

藝人為賺錢，不時都忙到沒時間食飯，但求醫飽個肚便開工，對食物沒有過高的要求，但並不是每個藝人都是這樣。余文樂日前孖住導演郭子健開工，雖然忙到爆，但導演仍非常識做，特意趁開飯時間慰勞一班戰友食大餐。他點了差不多20道菜，多得放滿整張枱，既豐富又壯觀！他更開心得與食物合照晒命。

不過，美食當前又如何？余文樂似乎不太感興趣，雖然他亦有與食物合照，但拍照時卻嘴扁扁，似乎不太開心。其實美食當前，有幸免卻捱飯盒的之苦，樂仔理應流晒口水及感到開心。究竟他是因為食慣好嘢，認為冇餸啱胃口，還是美食分量過多，令他擔心吃後身材走樣，因而感到煩惱？