「Cool魔」張智霖昨晚出席聖誕樹亮燈儀式，身為家長的他亦有留意近日發生的拐B新聞，他坦言不懂反應，並為事件中的父母感心痛。

童心未泯的Chilam挨着聖誕老人擺甫士，場面惹笑。

被兩名外籍女士翹住手出場的Chilam，一臉風騷。

雖然天氣轉涼，但蔡恩真仍以背心裙上陣，大晒長腿搶鏡。

張智霖（Chilam）昨晚到九龍塘出席聖誕樹亮燈儀式，為配合聖誕氣氛，他身穿紅色長袖衫亮相，並在台上表演魔術，令在場嘉賓包括韓模蔡恩真看得如癡如醉！

Chilam雖然是圈中的大忙人，但亦有留意新聞，提到有BB女疑被拐帶，身為家長的他表示為事件中的父母感心痛：「我睇到新聞都唔識反應，靚靚（老婆袁詠儀）寫咗啲嘢，我都有幫手轉發，希望件事快啲水落石出！（會教囝囝張慕童（魔童）小心陌生人？）唔只藝人，我覺得所有家長都應該咁做。」

一家遊埠有人包

此外，Chilam透露已向公司申請聖誕期間休息陪家人，但他補充：「12月都會有機會見大家，我下年嘅工作已經排到密密麻麻，可以同老闆蕭定一合作好開心，佢仲話包衣食住行請我一家去旅行添！（因為你幫公司搵好多錢？）咁又唔係搵好多，都係老闆主動話請，唔係我提出o架！」並指明年將開演唱會、拍內地劇及電影，當中包括《衝上雲霄》電影版，又透露已收到無綫邀請出席頒獎禮，現正度期中。