天王郭富城將於下月29日在廣州舉行《舞臨盛宴世界巡迴中國演唱會廣州站》，他昨日現身當地記者會時心情勁靚，在台上不時Chok有型甫士。城城表示因四面台變三面台關係，除了原有「變形金剛」舞台外，還會增設3D影像，觀眾將要戴上3D眼鏡欣賞立體視覺效果，而舞蹈及跳彈床部分亦會增加難度及新花式：「再練凌空跳都驚，係畀我最大壓力，因為唔係喺平地上面跳舞。」

心情靚爆鏡的城城出場時頻頻Chok甫，不愧為舞林王者！

城城出席廣州記者會，吸引大班傳媒採訪。

另外，城城又自爆早前與周潤發宣傳電影《大鬧天宮》，言談間曾邀請對方拍《寒戰》續集：「好想同發哥再合作！（發哥反應如何？）發哥個樣好開心咁笑。（有冇問埋發嫂點講？）冇喎！咁等我遲啲收吓風先。」