藝人鄭俊弘（Fred）前晚出席業餘飛鏢聯賽嘉年華並擔任表演嘉賓，自無綫發出對壹傳媒的抵制令後，旗下藝人均有遵守規則，Fred的經理人有禮貌地要求壹傳媒記者不能訪問Fred，但允許旁聽。

鄭俊弘談到緋聞女友姜麗文時，即時甜笑。

談到緋聞女友姜麗文與男子日前去他有份表演的《MAMA頒獎典禮》睇騷兼捧他場，Fred即大方甜笑說：「Wonderful！我知佢去睇，不過就應該唔係捧我場，係去睇韓星！（識唔識嗰個男仔？）唔識呀！我唔知佢同邊個去！」問到二人戀情是否逐步浮面？他笑笑口說：「呢啲唔講啦！（唔否認拍拖？）戀情唔講啦！」而剛簽約正式成為歌手的他透露明年5、6月會出碟，不過還未選好心水歌曲，他說：「等公司安排啦！Eric Kwok會寫首歌畀我，好期待！」