最近人氣急升的模特兒傅嘉莉昨日出席活動時自爆工作量大增，豬籠入水，距離儲千萬購買Dream House的目標邁進一大步！她正物色靚樓盤，更有意效法劉嘉玲做物業女強人，在各地置業。

大晒玉腿的Kelly為時裝店揭幕，密密搵真銀！

Kelly似乎不太懂拉綵炮，故有點不知所措。

女強人劉嘉玲在各地均有置業，難怪Kelly以她為目標！

傅嘉莉（Kelly）昨日穿短裙和長Boot，露出長腿為時裝店揭幕，最近密密接Job的她表示十分開心，更自爆搵銀不少：「已經可以儲到下一層樓嘅首期，向我嘅Dream House邁進一大步！（你嘅Dream House要幾錢？）我想30歲前賺到一千萬，我諗緊淨係買一間Dream House定係兩個單位，一個畀自己，一個畀父母，想屋企人住得舒服啲！」Kelly又表示之前忙於拍劇，現在劇集告一段落，開始物色心水樓盤：「我覺得依家嘅樓價都可以，而且好多人放盤，有啲人又唔敢買，所以巿面上有好多新樓盤。我覺得買樓投資比較穩陣，好啱我嘅性格。」

夾朋友做旺樓市

Kelly表示看過劉嘉玲的訪問，知道她投資有道，在香港以外也有不少物業，故視她為學習對象，問到是否想做物業女強人，Kelly即說：「想！我有朋友介紹我去日本買樓，升值能力好高，我都有興趣！諗住聖誕節去日本幾日睇樓，主要係涉谷或者六本木區。我都有諗過投資香港嘅工廈，之後叫朋友喺附近開業，帶旺個地區同樓巿。」