徐子珊讚黃宗澤有疤仲Man

徐子珊出席公開活動時透露近日趕拍劇集《點金勝手》，對於黃宗澤早前不慎受傷，她說：「聽聞佢幾嚴重，縫咗針可能有疤，請咗好多日假。套劇原本今個月拍完，依家要拍到下個月。我唔擔心佢破相！其實男人有疤冇所謂，咁咪仲Man！」對於其主演的劇集《My盛Lady》被指是收視救星，她說：「有壓力都係黃子華唔係我。（佢話有40點收視就跪返家？）咁我希望佢跪喇！」對於無綫禁止旗下藝人接受壹傳媒訪問，她說：「我尊重公司決定。」同場的歌手許廷鏗早前在《萬千星輝賀台慶》中打頭陣演出，他坦言入行只有三、四年便有這個機會，感到榮幸。