剛度過31歲生日的蔡卓妍（阿Sa）昨日出席慈善活動，已屆適婚年齡的她表明未玩夠，希望40歲才啟動結婚造人大計。和男友陳偉霆感情穩定的阿Sa，竟預告未必做硬「陳太」，暗示仍未封盤，為自己留定後路！

阿Sa抱起狗仔時，開心之情溢於面上，愛心滿瀉！

阿Sa和William一向愛得癡纏，但阿Sa仍暗示未封盤！

鄺靄慧（右）抱着的狗狗撲向阿Sa，在旁的鄺祖德看得津津有味。

蔡卓妍昨日到赤柱出席慈善活動，穿上5吋高踭鞋大騷長腿的她索爆全場，連狗仔都被她吸引，忍不住向她「狗衝」（興奮），場面搞笑！前日度過31歲生日的她表示，與大前天生日的男友陳偉霆（William）一齊慶祝：「我哋一齊過，有互相送禮物。（收到咩？）秘密！不過係一件好有心思嘅禮物！」談到生日願望，阿Sa希望患病的愛犬可以舒舒服服度過每一天。

「婚」「分」冇壓力

提到William日前受訪時表示有排未準備結婚，阿Sa亦「夫唱婦隨」說：「我都未Ready，如果我再結婚會係想生BB先結，依家咁樣幾好玩，鍾意做咩就做咩，去邊就去邊！我諗住40歲先生仔，依家科技好好，唔驚！」談到還有9年時間才到「嫁」期，她的「陳太」之位未必坐穩，阿Sa亦笑言世事難料：「我覺得唔好有壓力（結婚），呢啲係整定嘅！（佢等到頸長？）呢啲嘢好難講！（可能到時嗰個唔係你？）有道理，唔知o架！放輕鬆啦，拍拖梗係想對方係終身伴侶，但係唔係都唔知o架嘛！You will never know！」提到師妹鍾舒漫和吳浩康撻着，阿Sa表示一早已知，又指兩人一齊最緊要開心。

另外，同場的鄺祖德為該慈善活動拍攝紀錄片，又透露正籌備新歌，歌詞將會分香港版及廣州版，以期帶給歌迷兩種味道。