城中名人趙世曾昨日借出私人遊艇和直升機，予九位國際旅遊小姐穿比堅尼造勢，同場還有王敏德和趙哲妤。一眾佳麗質素麻麻，只有A陳穎祺和B禤嘉儀上圍較豐滿。趙世曾透露年底會飛往馬來西亞擔任賽事評判，問到會否叫女兒趙式芝與其另一半楊如芯同行？趙世曾即抗拒萬分：「冇可能！（你歡唔歡迎？）三個字講晒。」談到獨立屋私人泳池被指侵佔部分政府用地，趙世曾稱已交由測量師處理，相信只是觀點與角度問題。

趙世曾有兩位助手和趙哲妤（右）相伴，艷福無邊。

今屆國際旅遊小姐着晒泳衣出海造勢。

既然有直升機，點少得型到爆嘅王敏德？