樂壇天后容祖兒將於下月在紅館舉行跨年演唱會，為應付15場的演出，展開地獄式體能訓練，只能吃雞胸及蛋白「充飢」，幸有男友劉浩龍陪撐枱腳，禁室培「肉」！

為籌備個唱只瞓得四粒鐘，但祖兒出席活動時未見疲態，強呀！

葛民輝（左起）和林海峰「軟硬」合體，搞Gag無極限。

祖兒昨日聯同「軟硬」葛民輝和林海峰（Jan）出席跑馬地舉行的《麥當勞兒童愛心馬拉松2013》開步禮，祖兒因忙於排練演唱會，未能到泰國蘇梅出席好姊妹鄭希怡（Yumiko）的婚禮，她笑言已派男友劉浩龍出席。為個唱訓練體能的她，找來為張家輝練得一身「激戰」身形的健身教練，對方只准她吃雞胸和蛋白，祖兒無奈地說：「為咗有得去廁所，先偷食條菜。訓練密集式到以為要去考警察同飛虎隊。」問到男友可有陪伴訓練？祖兒說：「都好感激佢，唔使自己孤伶伶應戰咁，佢都會陪我食雞胸！」因每餐都只能靠母親炮製，故很難出外用膳，她笑說：「每日似禁室培『肉』，係培訓肌肉！」

談到早前英皇歌手沒有出席無綫台慶？祖兒表示心水清便知道他們去年亦沒有出席，因台慶以無綫藝員為主：「英皇春茗我哋就要去啫，咁我哋唔係無綫藝人，又唔係合約藝員，佢哋又冇請我去！」工作人員即更正指無綫有邀請各歌手，只是祖兒當天有工作，祖兒即笑笑口說：「係囉，我都唔得閒，要排演唱會。」

軟硬目標開百場騷

另外，「軟硬」亦將於明年1月23日在紅館開騷，唱到農曆大年初一，問到會否再加場？Jan笑言從來目標都是開過百場，只是一直距離目標太遠。至於加場與否決定了他們何時出發去農曆新年旅行，Jan說：「係全香港人都舉棋不定，要就旅行機票定係就軟硬門票，不如喺機場加場囉，邊走邊唱，方便大家。」