吳雨霏前晚在音樂會上大騷纖腰兼勁歌熱舞，被主持取笑無法擺脫舊愛余文樂時欣然接受，更承認早前本報獨家披露她在派對上醉鬧阿樂，但強調是用朋友語氣：「大家玩吓。」

勁扭蛇腰熱舞的Kary落力獻唱，全場粉絲High爆！

余文樂

Kary拍攝「魚」群的作品被取笑與「余」文樂有關，不禁尷尬傻笑。

Kary挨住身後的藍奕邦貼身辣舞，Wow！

吳雨霏（Kary）舉行音樂會宣傳剛推出的新專輯《STATE OF MIND》，獲父母拉隊捧場。Kary全晚換上兩套露臍裝，甫出場即自彈自唱新歌《蘇眉》，又與嘉賓藍奕邦合唱Cookies年代的金曲《派對動物》和大跳辣身舞，獻唱被指是「分手歌」的《今夜煙花燦爛》時一度眼濕濕。

「余」波沒完沒了

Kary與歌迷玩遊戲時慘遭主持將「樂霏戀」擺上台，事緣她將親自拍攝的靚相印在T恤上，其中一張是海底魚群照，主持即說：「魚同余係有分別。」又拿其新歌《蘇眉》開玩笑：「你同余字甩唔到。」Kary和應說：「係喎！」

受訪時談到日前與前男友余文樂在派對上碰面兼捉手，Kary說：「係分手後第一次見，當時大家飲咗酒，又耐冇見，Say個Hi都好正常。（你鬧佢關你咩事喎！）我都有叫佢唔好飲咁多，我唔係惡嘅語氣，大家玩吓，分手後我哋係朋友，朋友先係咁講嘢。」問到報道出街後有否聯絡？Kary說：「唔講私人嘢。（會唔會翻撻？）唔會，大家決定做番朋友，依家係最好狀態，其實我哋一直有聯絡。」