o靚模王璐瑤自稱「地獄廚神」，日前她「拜師」學藝自我單挑，潮整法式杏仁小圓餅（Macaroon）和夢幻Cupcake，笑言要學定「冧仔」秘技，送畀未來愛人！

LuLu唧的Macaroon形狀似模似樣，對焗出來的成品充滿期待！

LuLu（右）把蛋白打到反轉都唔跌，師傅即時「Like」爆！

王璐瑤

杏仁Macaroon 材料

Step 1
先分別打勻牛油和雞蛋，加入麵粉、調色料等材料。

Step 2
撈勻材料放入唧袋，唧出圓圓餅形，完成後放入焗爐。

Step 3
從焗爐取出後，加上裝飾品。

華麗花花Cupcake 材料

Step 1
先將牛奶加入蛋糕材料打勻。

Step 2
唧入杯模後放入焗爐。

Step 3
最後用糖漿黐上糖製的花作裝飾，完成！

最近潮流興自製法式甜品Macaroon和Cupcake，的的骰骰，賣相可愛，吸引甜品迷一窩蜂「蜜蜜」整送給愛人，零舍甜蜜！單身的王璐瑤（LuLu），雖然暫時未有送禮對象，但仍要自我Upgrade，學定整甜品秘技冧「消失中的愛人」：「我未試過整甜品畀男朋友o架！因為逢親節日就冇拖拍，都冇機會送畀人，更加冇收過任何自製甜品！所以好羨慕其他蜜運嘅女仔，但羨慕還羨慕，我覺得Mr. Right只係暫時消失，所以依家學定整Macaroon，Upgrade定自己就差唔多啦！」

自創嚇人「肉餅梳乎厘」

話明要增值，LuLu即席向甜品師傅「拜師」學藝，不過師傅指學整甜品要看天分，所以決定收「徒弟」前盤問一番，不料性格直率的LuLu自嘲是「地獄廚神」：「我成日畀人笑係地獄廚神，整任何食物都變咗另一樣嘢！試過去朋友屋企參加Party，講明一人整一碟餸，於是喺街市買咗一Pack整好嘅肉餅材料，就咁加隻蛋喺上面蒸，諗住實冇死，點知一拎出嚟，啲蛋發起晒，成個梳乎厘咁！咁就自創咗個『肉餅梳乎厘』！」面對自稱患「煮食困難症」的她，連見慣場面的師傅都嚇到窒一窒，但仍欣賞其屢敗屢戰的精神，讓LuLu「過關」，勉強合格做「徒弟」。

獲收為徒的LuLu心情靚爆，更大口氣要一次過整兩款夢幻甜品：Macaroon和Cupcake！她先打勻牛油，加入雞蛋、麵粉和調色料，撈勻所有材料並放入唧袋，唧出圓圓的餅形，再放入焗爐，完成後加上裝飾品，的骰Macaroon便大功告成！LuLu決定再下一城做Cupcake，先將牛奶加入蛋糕材料，唧入杯模後再放入焗爐，最後黐上糖製的花，華麗Cupcake亦告完成！事後LuLu分享箇中秘訣：「原來落糖霜整Macaroon一定要分幾次落，如果唔係蛋白就發唔起！至於Cupcake就一定要放牛奶，如果冇落焗出嚟就會變石頭咁硬！」

師傅：仍需努力！

雖然學足秘技，但LuLu仍大呻困難：「兩款甜品都要打蛋，我真係唔識打，搞到啲蛋殼碎跌落碗，有少少笨手笨腳！好在師傅冇鬧我，淨係講咗句『仍需努力』！」滿枱甜品，但「消失中的愛人」仍未出現，可以請誰吃？為食的她竟笑說：「我代佢食住先！」

杏仁Macaroon

材料 （10-12粒分量）

蛋白 35g

糖粉 30g

糖霜 40g

LuLu「零NG」小秘訣：

「一定要落晒全隻蛋白，如果唔係就會太乾，變失敗之作！擺入焗爐之前，一定要用風筒吹乾Macaroon，形成一層薄膜，等空氣由下面走出嚟，如果唔係空氣就會由上面走出嚟，都係會NG！」

華麗花花Cupcake

材料 （12杯分量）

雞蛋 5隻

牛油 100g

沙糖 90g

牛奶 100ml

自發粉 250g

LuLu「零NG」小秘訣：

「牛油由雪櫃拎出嚟，一定要放軟一個鐘左右，另外唧Cupcake嗰陣唔好超過杯模七成，唔係焗到飛晒出嚟就弊！」