歌手糖妹、陳嘉寶及王敏奕（Venus）等在無綫劇《女人俱樂部》組成少女版七小花，但被《好報》踢爆糖妹自恃年資深扮大家姐，而且眼紅Venus獲讚好戲，故她們在鏡頭後早已反目！糖妹昨日接受電話訪問時，自稱與六小花感情不俗，更有開Group傾偈，問到是否眼紅Venus？她說：「佢搬咗去我嗰頭住，我哋仲成日一齊消夜！（唔開心？）當宣傳啦！鬼叫我係入行最耐嗰個，班阿姐都畀人傳不和啦！我哋之前義結金蘭，拍咗片o架！六小花對我好好，之前仲幫我搞驚喜生日派對！我今年單身，好彩有姊妹分享少女心事！」

糖妹與Venus於鏡頭前非常老友，但被《好報》踢爆鏡頭後已反目成仇！

有傳糖妹頻頻NG，令陳嘉寶及王敏奕（右二、三）不時黑面。