繼周秀娜及多位模出人形攬枕後，陳敏之亦推出1：1人形攬枕為新劇造勢，更想送給男友作慰藉。

敏之晒索腿，高Ling谷胸露腰，兩個靚女問你點揀！

子珊以火辣造型化身攬枕，粉絲日日有得望！

高海寧

子華笑言其造型慘不忍睹，實在不知幾型！

見到攬枕實物咁靚，宅男係咪想拎走呢？

由「笑匠」黃子華、徐子珊、陳敏之和高海寧（高Ling）主演的無綫新劇《My盛Lady》將於下周一啟播，無綫為增加觀眾的投入度及趣味性，將舉行網上互動問答遊戲，勝出者可贏得價值千元的1：1明星人形攬枕，以配合希望每人都找到另一半的劇集主題，觀眾若未有伴侶，可用人形攬枕暫作代替品。

男神Look炒得過

目前已推出的製成品有子華、子珊、敏之和高Ling四款，攬枕造型分別是他們在劇中最煞食的甫士，最性感的要數高Ling以小背心加短裙上陣露纖腰，子珊的一身紅色Tube Dress裙亦極為養眼，而敏之當然力Sell長腿，各具美態！子華則以「男神」Look大賣型格，監製文偉鴻笑稱子華攬枕將成為最搶手一個：「因為唔少同事爭住影相，可能子華嗰個會有炒價！」敏之亦希望訂製一個來送給男友，看來是因為忙於拍劇而沒時間「交人」，借攬枕給男友來一個慰藉。

子華受訪時謙稱自己在劇中的造型「慘不忍睹」，不敢想像攬枕出街後，用家會否視之為「另一半」般愛錫，問到可會像敏之般自訂一批送給朋友？子華說：「唔會喎！除非係仇人，送畀佢當沙包咁打，攞嚟出氣！（點解自貶？）我個角色勁誇、勁自戀o架！自己都頂唔順，唔敢睇自己出嚟個樣！其他靚女攬枕又唔同！」