加入無綫12年的鄭世豪，多年角色僅屬「大閒角」，今年憑歌唱比賽節目《星夢傳奇》成功彈出，他笑言好像發了一場夢：「喺未入行之前，我唔識有啲咩渠道參加歌唱比賽。今次贏咗《星夢》，真係好似發夢一樣，同埋我玩咗《卡啦之星》咁多年，都叫做滿足咗我唱歌嘅心願！」

入行多年的鄭世豪永不言棄，終於捱出頭！

於《星夢》得獎一刻，鄭世豪（中）心情激動。

鄭世豪（左二）攞獎，好友陳敏之、森美及陳志健（右）即時分享喜悅。

入行多年的世豪，雖沒嘗過做主角的滋味，不過他沒打算放棄，又坦言沒有經濟困難：「我平時使錢唔多，自己又有儲錢習慣，再加上我早幾年都有登台，叫做收入唔錯。（入行咁耐屋企人支唔支持你？）佢哋從來冇叫過我放棄，好支持我發展演藝事業！」