o靚模郭穎兒早前挑戰「醜女」極限，由索女變「豬扒」拍新戲，雖然化醜女妝後自信心跌到低點，但她對「醜」出個未來仍充滿信心。

Celia K.不介意「為藝術而犧牲」，只希望角色令觀眾留下深刻印象。

化上醜女妝的Celia K.（左二）笑言被造型嚇親，認不出自己。

Celia K.對演技有信心，希望苦盡甘來。

有樣有身材的Celia K.憑水着Look「峰」殺不少宅男。

不少女星都會在拍電影時盡騷最靚一面，但近日有份參演新片《喜愛夜蒲3》的郭穎兒（Celia K.）剛相反，不惜化身「醜女」的她，對於戲中其他女演員都執到靚一靚現身大銀幕，自己卻以「豬扒」造型出鏡，問會否擔心「趕客」？她說︰「有得拍有得參與已經好開心，而且自己唔抗拒呢個角色，不過心理障礙比情慾戲要克服嘅仲大。」但她透露起初拍住一班靚女時，令自信心跌落谷底︰「初時自信心極低，人哋影相我唔會行過去，自己坐埋一邊睇書，好似自閉咁，真係有啲唔慣。」

口塞棉花眼貼膠紙

今次Celia K.要化上醜女妝，她直言有苦自己知︰「今次個妝要塞棉花落個口度，對眼又要貼膠紙變單眼皮，其實對眼係最辛苦，拍完都好攰。」她坦言化醜女妝後，自己都被嚇親︰「因為黐到好醜，自己望住塊鏡都唔認得自己，仲嚇親添！」

雖然捱盡苦頭，但她相信會苦盡甘來，對自己的演出有信心，她說︰「希望大家會鍾意，我覺得呢個角色會令人更加印象深刻，所以拍時即使有少少辛苦，我都覺得值得。」