女子組合AOA將推出第二張專輯，一改上隻碟的型格路線，以性感小野貓形象示人，大騷女人味！為了唱出女人的騷味，兩人獲唱得又演得的師兄張繼聰「變性」教路，在師兄指點迷津後，兩人笑言自愧不如。

AOA將推出新碟轉路線，唱出女人味。

AOA密密拍MV，相當落力！

AOA希望開演唱會，成為王牌組合！

由姊姊吳燕珊（Annelle）和妹妹吳燕菁（Annice）組成的孖女組合AOA將推出第二張新碟《Pair of Aces》，兩人指新碟會大騷女人味：「我哋今次隻碟會行性感路線，唔係衣着上嘅性感，係歌曲入面帶啲騷味出來，有朋友聽完我哋新歌都話感覺唔同，話我哋嘅歌硬中帶點溫柔。」問到會否接受以性感形象示人？她們說：「性感都分好多種，少布未必啱我哋，但如果將來自己有演唱會，可能都會試吓性感上陣。」

一日連踩三個MV

這次新碟請來師兄張繼聰及鄒文正獻曲，其中張繼聰更「騷女人」上身，親自示範如何唱出女人味，令兩人自愧不如：「錄音嗰陣師兄話女人味可以多啲、要肉緊啲，仲即場示範唱畀我哋聽，估唔到佢可以唱得有女人味過我哋！」她們又大讚師兄夠細心，作曲前特別約她們出來分享創作想法。

近日兩人為新碟拍攝MV，更1日拍足3個MV，認真勤力！問到入行近兩年的她們會否想開演唱會？她們雀躍地說：「當然想！我哋由入行開始已經想有一個屬於自己嘅演唱會，努力去做睇吓幾時有機會，希望我哋可以成為香港樂壇嘅一個王牌組合！」