上屆落選港姐林泳淘早前完成藝員訓練班課程，希望可盡快有拍劇機會，喜歡跳舞的她冇時停，自誇體能旺盛及筋鬆適合演打女角色：「可能我有過度活躍症，之前港姐排舞排到個個攰晒，我仲叫人教側手翻，不過第二日我周身痛到郁唔到，以為甩骹添！我唔怕辛苦同受傷，所以想做打女。」

剛從藝訓班畢業的林泳淘，希望可多拍劇，尤其想做打女。

甚有明星相的泳淘貌似多位明星，驟眼看與視后胡杏兒及日本AV天后蒼井空猶如三姊妹，她笑言曾被誤認是楊愛瑾（Miki）及楊秀惠：「都開心似親都係靚女，試過14歲嗰陣畀人認錯係Miki，仲問我攞簽名添！如果話我似視后杏兒都幾好，我會以佢做目標！」