「千億新抱」徐子淇與老公李家誠昨晚出席公司旗下的酒店開幕，問到預備了甚麼生日禮物給本月生日的子淇？李家誠說：「講咗就冇驚喜。（有傳你送價值一億嘅遊艇？）係買畀成家人用，唔係生日禮物。」而子淇表示今年是他們相識第十年，問到有沒有七年之癢？她即一身旁的老公說：「你痕唔痕呀？最重要兩夫妻互相尊重。」李家誠又表示他倆很少嗌交，子淇聞言即說：「佢永遠唔發脾氣，有一次嗌交，我鬧佢，佢話『我由細到大父母都冇鬧過我，你竟然敢鬧我！』不過中國有句說話叫『床頭打交床尾和』，嗌吓都好，有咩都攞出嚟講。」下月是二人的結婚周年紀念，子淇表示想去旅行：「我哋鍾意住新酒店，不過我會帶兩樽滴露清潔廁所先畀小朋友用。（少咗二人世界？）係，但每年都有一兩次Trip得我哋兩個去。」

徐子淇與老公李家誠恩愛到場，羨煞旁人！