政府不發牌予香港電視引起公憤，無綫慘變代罪羔羊，有感壹傳媒旗下刊物長期對無綫作出針對性及失實報道，無綫昨天發聲明抵制壹傳媒，陳百祥（阿叻）認為這是「遲來的春天」。

受屈多時的阿叻大讚無綫抵制壹傳媒是當機立斷的表現。

阿叻大爆秀姑被騙套料。

監製徐正康表明，不允許壹傳媒近距離採訪劇集外景拍攝。

曾醒明表示無綫有權阻止不受歡迎的媒體拍攝公司活動。

滕麗名（左）及湯盈盈的《新》劇即將煞科，新措施對她們影響不大。

無綫受政府不發牌予香港電視之公眾討論拖累，有鑑「壹傳媒」連月來對無綫作出針對性及失實報道，無綫覺得商譽嚴重受損，終作出46年來對傳媒最嚴厲的措施，將「壹傳媒」列為不受歡迎媒體，行動範疇包括：不接受該集團旗下記者參與無綫所有傳媒公開活動，以及不准旗下藝人受訪，阿叻、胡杏兒、黃宗澤及黎耀祥等昨日先後收到公司短訊通知。

踢爆「鬼祟」套料

阿叻最近就「跪回家」言論連日被壹傳媒連消帶打式報道，令他大感受屈，昨日得聞無綫將該傳媒列為「不受歡迎媒體」，他大表贊同。阿叻透露老婆黃杏秀被套料，斥責壹傳媒採訪手法卑劣：「黃杏秀喺台慶，畀一名自稱係TVB嘅人埋嚟傾偈，最後內容竟喺佢哋旗下刊物以『不孕』角度報道，呢種採訪手法好卑劣。我唔介意冇仔生，但佢隱瞞身份唔公道！」他大呻難忍該媒體的採訪手法：「呢個傳媒將負面報道帶入香港，不幸嘅係其他媒體跟風，佢成份報紙都搵唔到公道，報紙係報道唔係作文，我個心好想公司咁做，慶幸依家發聲明，我真係屈咗好耐，對我嚟講係『遲來的春天』！」

外景冇得避

由於無綫禁止壹傳媒進入電視城採訪，但無綫每日有不少劇集拍外景，要杜絕採訪卻有難度。正拍攝的新劇《新抱喜相逢》監製關永忠說：「我套劇就嚟煞科，影響唔大，如果係外景，佢哋影相我哋冇辦法阻止，但訪問就唔會協助。」而《大藥坊》監製徐正康則說：「如果佢哋遠距離影相，我哋都冇權阻止，但如果近距離採訪，我哋會禮貌地勸佢哋離開。」

至於若有藝員違規受訪，無綫企業傳訊部副總監曾醒明說：「公司會透過藝員科將公司安排傳達畀各藝員，相信佢哋都會婉拒記者嘅訪問。（劇集拍外景？）喺街就冇辦法阻止佢哋影相，如果喺外面舉行嘅活動，我哋有權唔畀佢哋入嚟。」