萬千「胸」軍賀台慶！無綫「咪神」高海寧晒四吋事業線兼大露背，遭沈卓盈力谷心形胸狙擊，可惜因谷得太狠搞到上圍變形！

高海寧身穿長裙勁飄逸，最勁嘅係連上圍都咁「飄」！

沈卓盈夾出深長事業線，可惜唔夠3D！

岑麗香屬有料之人但拒「露」兩手，惟有賣萌補救。

葉翠翠超低V上陣，甚有睇頭。

陳凱琳金風「肉」露，高貴大方。

「媽媽級」楊思琦露埋一份，「峰」韻猶存。

李亞男透視裝施誘惑，一個字：「底」睇！

台慶夜，谷胸夜，一班花旦正面交「峰」，但論最性感則依然是「無綫乳牛」高海寧（高Ling）！她身穿Sharp爆橙色裙，加上「彈彈吓」的四吋事業線兼大露背，性感得來不失青春氣息，成功「峰」殺全台女藝人！不過論排場，高Ling佩戴總值130萬元、46卡的鑽飾上陣，稍稍失色。

李亞男「體」通睇透

另一「胸」軍沈卓盈亦出心形胸，但因逼得太緊，搞到胸形被夾扁，她說：「條裙有啲鬆，改咗個扣校緊咗，咁安全感大啲！」但配襯430萬元、41卡鑽飾，挽回不少分數。至於葉翠翠則穿上保守白色，反令三吋事業線吸睛度十足；鮮有性感的李亞男則以黑色透視裝示人，胸、腰、腿應有盡有，加上超短打底褲令股形盡展，非常「股」惑！最估不到連主持黎芷珊也中門大開，佩戴由景福珠寶贊助的800萬元珠寶，高貴大方。

「胸」群而出下，岑麗香卻密實上陣，身穿可愛花花裙實行另類搶鏡，她說：「我走開心路線，鍾意簡單又有大自然的感覺！」戴上80萬元鑽飾的她笑言已用膠紙黐實戒指防滑。