與傅嘉莉有過同樣被人跟蹤經驗的「E Cup Baby」劉欣宜，早年擔任模時吸納不少男粉絲，早年飽受狂迷電話騷擾及跟蹤事件困擾，儘管事隔幾年，她坦言現在想起仍覺怕怕：「依家諗起都驚，就算出街都擔心人身安全！記得三年前有個男人日日跟住我，有次喺巴士站跟到我返屋企，當時仲攞部手機畀我睇話影我相，嚇到我傻！嗰段時間又成日收到變態電話騷擾，搞到要報警，但最後不了了之。」她表示現時不會獨自出夜街，凡事都會提高警覺性。

劉欣宜

另外，剛與音樂人陳子敏訂婚，劉欣宜深信對方是好老公，一定會好好保護她，談到結婚事宜，她說：「（明年）2月會影婚紗相，因為想婚禮搞得好啲，同埋要夾八字，所以婚期仲未定！」